शासकीय महिला अधिकाऱ्यांना एक व्यासपीठ मिळवून देणारा अतिशय उत्कृष्ट आणि उपयुक्त असा उपक्रम... या संमेलनास माझ्या खूप खूप शुभेच्छा.

महिला अधिकार्‍यांना आपला साहित्यिक प्रवास व साहित्यिक विषयांवर चर्चा करण्यासाठी उपयुक्त व्यासपीठ. महिला अधिकार्‍यांना त्यांच्यातील साहित्यिक खुलवून, फुलवून उत्साहवर्धक वातावरणात मांडता येणार आहे. मनःपूर्वक आभार विमला मॅडम आणि सरहद समूह.

महिला शासकीय अधिकाऱ्यांचे पहिले अखिल भारतीय साहित्य संमेलन दिल्ली येथे आयोजित होणार आहे. आम्हा सर्व कर्मचारी महिलांसाठी स्वतःला व्यक्त करण्याची ही एक सुवर्णसंधी आहे. सरहद पुणे ही संस्था वारंवार समाजोपयोगी व नाविन्यपूर्ण उपक्रमांचे यशस्वी आयोजन करत असते.

हे संमेलन म्हणजे विविध शासकीय विभागात काम करणाऱ्या कर्तृत्ववान महिला अधिकाऱ्यांनी मराठी साहित्य क्षेत्रात केलेल्या कामगिरीबाबत माहिती मिळावी तसेच त्यांच्याशी व या क्षेत्रातील दिग्गज व्यक्तिमत्त्वांशी संवाद साधता यावा यासाठी उपलब्ध करून दिलेली एक अतिशय उत्तम संधी.

या साहित्य संमेलनाचे आयोजन खरेच सर्व महिला अधिकारी व कर्मचाऱ्यांसाठी कौतुक व अभिमानाची बाब आहे. या साहित्य संमेलनामुळे नक्कीच कार्यरत प्रत्येक महिला अधिकाऱ्याला त्यांची उत्कृष्ट अभिव्यक्ती योग्य ठिकाणी करण्यास दिशा मिळणार आहे — दीपस्तंभच ठरणार आहे!

महिला अधिकाऱ्यांचे साहित्य संमेलन अतिशय अभिनव संकल्पना असून महाराष्ट्रासारख्या पुढारलेल्या राज्याकडून आणि सरहदसारख्या नवोपक्रमशील संस्थेकडून ही राबवली जात आहे याचा मनस्वी आनंद आहे. एकाच ध्येयाने धडपडणाऱ्या अनेक महिलांना एकत्र आणण्याचा हा अपूर्व योग जुळून येतो आहे.

अशा प्रकारचे साहित्य संमेलन आहे हे समजल्यावर सुखद धक्का बसला. आयोजकांना मनापासून धन्यवाद. आपल्या सरकारी कार्यालयांमध्ये अनेक स्त्री अधिकारी-कर्मचारी साहित्यिक, नाटककार, लेखक, कलाकार आहेत. त्यांच्यासाठी हे साहित्य संमेलन म्हणजे एक हक्काचे माहेर राहील.

आज या सरहद अखिल भारतीय साहित्य संमेलनानिमित्त शासकीय कर्मचाऱ्यांना संधी मिळत आहे — ही संधी सोनं आहे. या संस्थेचे खूप खूप धन्यवाद.